У верасні 2018 партал 115.бел пачаў прымаць першыя заяўкі ад наваградчан. За мінулы год было прынята каля 80 заявак і больш за 80% з іх былі выкананы.

Няякасныя тратуары, выбоіны на дарогах, няма асвятлення на вуліцы і ў пад'ездзе, смецце ў двары. Гэтыя і многія іншыя праблемы прыкмячаць, фатаграфаваць і выкладваць на партал сталі гараджане. Некаторыя з цікаўнасці, ці будзе працаваць, а многія вырашылі такім чынам звярнуць увагу на свае праблемы.

Вось некаторыя змены адбыліся да і пасля ўмяшання партала 115.бел:

вуліца Ламаносава 8 к. 1. У лютым няўтульна стала жыхарам першага пад'езда. Згнілі заслоны ўваходных дзвярэй. Дзверы паклалі ўнутры пад'езда. Уваход у пад'езд адкрыты круглыя суткі. Аператыўнае ўмяшанне работнікаў РУП ЖКГ выправіла гэтую праблему.

Гродзенская 59а. Да вясны разбурыўся сліў каля пад'езда і вада стала заліваць падвалы. Сліў выправілі, надтачылі і вывелі на вуліцу.